Samtal um sjálfbærni

Jasper Kyndi: Spennandi framtíðartækifæri á Íslandi.

Í maí 2023 keypti alþjóðlega ráðgjafarfyrirtækið COWI Mannvit en fyrirtækin hafa átt í farsælu samstarfi undanfarin ár. Jasper Kyndi, yfirmaður viðskiptaþróunar hjá COWI í Danmörku, situr hér fyrir svörum og fer m.a. yfir markmiðin, verkefnin, vegferðina og það sem er framundan með Maríu Stefánsdóttur, umhverfisverkfræðing hjá Mannvit. Jasper segir að Ísland búi yfir mikilli sérstöðu hvað varðar endurnýjanlega orkukosti og sömuleiðis mannauðurinn, sem hefur mikla reynslu og sérfræðiþekkingu á sínu sviði.

 

Valgeir Kjartansson „Sjávarútvegurinn sýnir gott fordæmi í umhverfismálum”

Á Austurlandi hefur sjávarútvegurinn sýnt gott fordæmi í umhverfismálum. Valgeir segir okkur hvernig hlutirnir hafa tekið stakkaskiptum á mörgum sviðum umhverfismála í sjávarútvegi. Að sögn Valgeirs er starfsfólk Mannvits og ekki síst starfsfólkið á Austurlandi ansi fært í Mikado. Hvað á hann við með því? Valgeir Kjartansson, starfsstöðvarstjóri hjá Mannvit á Austurlandi í áhugaverðu spjalli.

Kristín Steinunnardóttir: „Erum við nýta jarðhitatækifæri í Afríku?“

Hvernig er að vinna að jarðhitaverkefnum í Austur Afríku. Hvað þýðir þetta fyrir fólkið sem býr á þessu svæðum? Hvar eru þessi verkefni og hvernig er staðan? Kristín Steinunnardóttir vélaverkfræðingur á jarðhitasviði hjá Mannvit sat fyrir svörum í áhugaverðu spjalli í hlaðvarpi Mannvits.  

Alma Dagbjört: „Af hverju Svansvotta og fyrir hverja?”

Vottanir bygginga hafa verið að ryðja sér til rúms á Íslandi sem og erlendis. En hvað er Svansvottun og fyrir hverja hentar vottunin? Hver eru fyrstu skrefin og hvað felst í Svansvottun? Hver er ávinningurinn af slíkri vottun? Alma Dagbjört Ívarsdóttir, fagstjóri hjá Mannviti í upplýsandi spjalli.

Brynjólfur Björnsson: „Hvernig stöndum við okkur í fráveitu?”

Fráveitumál eru gríðarlega mikilvægir innviðir í samfélagi okkar. Hvernig erum við að standa okkur í fráveitumálum? Hvað eru nágrannaríki okkar að gera? Hvernig stöndum við í dag og hvað eru fituhlunkar? Brynjólfur Björnsson, fagstjóri og sérfræðingur í veitum mætti í skemmtilegt spjall.

 

Sigurður Páll: „Orkuskipti - hænan eða eggið?”

Hvað er átt við með orkuskiptum? Þarf mitt fyrirtæki að huga að orkuskiptum? Hvar stöndum við í orkuskiptum í dag? Sigurður Páll Steindórsson, vélaverkfræðingur á sviði vélbúnaðar og efnaferla hjá Mannvit sat fyrir svörum í upplýsandi og áhugaverðu spjalli við Maríu Stefánsdóttur, umhverfisverkfræðing í hlaðvarpi Mannvits. 

Sandra Rán: „Þurfa fyrirtæki að huga að sjálfbærni?”

Hvernig má innleiða aukna sjálfbærni í rekstur fyrirtækja og stofnana? Hverjir eru megin hvatar fyrirtækja til að huga að sjálfbærni? Hvað gerist ef fyrirtæki huga ekki að sjálfbærni? Eru íslensk fyrirtæki á Íslandi að gera áhugaverða hluti og erum við í stakk búin til þess að takast á við loftlagsáhættu? Sandra Rán Ásgrímsdóttir, sérfræðingur í umhverfi- og sjálfbærni hjá Mannviti situr fyrir svörum.

Rúnar og Dúna: „Vindorka, umhverfi og samfélag”

Hér á landi hefur vindorka ekki verið nýtt að neinu marki þrátt fyrir meira en nóg sé af íslenska rokinu. Hvers vegna höfum við ekki beislað vindorku hér á landi? Hver eru samfélagsáhrifin? Hver eru möguleg áhrif á samgöngur og uppbyggingu á svæðinu? Hvað í umhverfinu verður fyrir áhrifum af vindorkuveri? Hvert er ferlið og af hverju er það svona langt? Rúnar D. Bjarnason fagstjóri við umhverfismál og sjálfbærni og Sigríður Dúna Sverrisdóttir, landslagsarkitekt M.Sc., vinna mat á umhverfisáhrifum fyrir vindorkuverkefni hjá Mannviti. Við spjölluðum við Rúnar og Dúnu í þætti númer 11.

Christian & Einar: "Micro algae and blue beer to the rescue?"

Micro algae and the future of food production is the subject of our first English podcast episode about VAXA Impact Nutrition. What are algae and what can they use it for? Why is it important to our planet? Can you actually make a healthier blue beer from algae? Why is the plant located in Iceland? We talked to Christian Schröter, PM and Einar P. Einarsson, Electrical Engineer from Mannvit about the algae patented technology cultivation by VAXA they've been working on.

The VAXA production facility uses the natural outputs of the Hellisheidi geothermal power plant located near VAXA, including renewable energy, cold and hot non-marine water, and carbon dioxide to grow algae. 

Guðbjartur og Sandra: „Hvað er græn fjármögnun og hvað þarf til?"

Mikil aukning hefur orðið í grænni fjármögnun samhliða áherslum á sjálfbærari nýtingu auðlinda og aukinni áherslu á verndun umhverfis okkar. Hvað þýðir græn fjármögnun og hverjum stendur hún til boða? Hvaða vottanir þarf til þess að verkefni fái grænan stimpil? Hvað er vottað húsnæði? Er hægt að votta allt húsnæði og fá þannig hagstæða græna fjármögnun? Hver er kostnaðurinn og ábatinn? Geta rekstraraðilar fengið græna fjármögnun eða vottun á rekstur? Guðbjartur Jón Einarsson og Sandra Rán Ásgrímsdóttir ræddu við Björgheiði Albertsdóttur í þætti nr.9